السلام عليكم ورحمة الله وبركاته

من زمان ما كتبت تقرير عن المطاعم والبركه في مشرفتنا النشطه زعطوطه في افتتاح كل ما هو جديد في الكويت


ودوله الكويت مشهوره بالمطاعم الجديده يعني كل اسبوع في مطعم جديد ودعايه وزحمه وكل شي

من خلال الاعلانات اليوميه سمعت عن مطعم جديد وماكولات كويتيه قلت خلني اجرب يوم السبت الماضي نشوفه خصوصا انه بعيد عن السالميه وزحمتها في فتره الغذاء ليوم السبت


المطعم اسمه الستينات للماكولات الكويتيه وهو يقع في حولي شارع بيروت مقابل المطافي

من اسمه يقدم الماكولات الكويتيه واضا بعض المشاوي الجميله

المطعم رائع جدا وديكوراته رائعه وكبير ووسيع واحسن من فريج صويلح الضيق ويوجد الكثير من الكبائن الخاصه للعايلات


اخذت الوالده الله يخليها لي وام باسل والعيال ورحنا له وتغدينا وهو يستحق التجربه والاكل رائع لابعد الحدود

والاسعار ممتازه ومناسبه جدا

اتركم مع الصور


هذي كانت غرفتنا








المضيفه في اللباس الكويتي القديم ( اعتقد جنسيتها اثيوبيه )




المنيو

















الضيافه اول شي قيمات مع دله قهوه وهذا اللي وياه اجار ( طرشي ) مع معبوج ( فلفل حار )





سقف الغرفه والديكور رائع جدا







مقبلات سلطه خضراء سلطه شمندر وحمص وفي مقوله ( حمبص )




مشويات مشكله لضاري غصب وقفته علشان اصور





برياني ربيان لذيذ





قبوط اعتقد يسمونه في السعوديه مطازيز وهو رائع




موش ربيان طري ولا اروع





الحساب طلع 19 دينار لعدد خمسه اشخاص بالاضافه الى 10% خدمه للكبائن

اشوف السعر ممتاز ويستحق الزياره

ماشاء الله تبارك الله فيه العافية يابو باسل

يلزمنا تجربته المرة الجاية

ابشر من عيوني بس تعال طال عمرك

ماشاءالله عليكم بالعافيه ...ياحليلها هالمضيفه
على كذا يبي لكم المره الجايه تروحون له
بالزي الرسمي(وزار)
الله يعطيك العافيه ...مبين الاكل لذيذ ...

تقرير جميل أبو باسل ،، والله يعطيك العافيه

سمعت عن هذا المطعم أكثر من مناسبة لكن ما جربته
إللي جربو المطعم قالوللي إنه أفضل من فريج صويلح و يتكرر هالراي في هذا الموضوع
شكله صار لازم أجرب هذي المطاعم ،ليلحين ما جربت لا فريج صويلح و لا الستينات
بس شلون الحمص صار حمبص !! في أي لهجة !

جزاك الله خير على إضافاتك الجميلة عن المطعم
و أهلا بعودتك في كتابة تقارير المطاعم كويتنا الغالية
وفقك الله

ماشاء الله تقرير جميل
شـكــ وبارك الله فيك ـــرا لك

الاكل لذيذ للاخر وشكل الطباخ متعلم عند وحده عجوز لانه ضابط الطبخه بشكل غير عادي ماشاء الله عليه

نفكر نروح بوزار وجريمبه ( تعالي ترجميها عاد )

جزاك الله والله يعافيك


لاتدققين وايد الحمبص هذا له قصه ثانيه

المطعم رائع والاكل اكثر روعه والمكان كبير ووسيع والكباين كثيره على عكس فريج صويلح صغير نوعا ما

وان شاء الله نشوفه بعدستكم لاني لحد الان مو ماخذ على التصوير في المطاعم
جزاج الله خير ارجوانه

|تسلم ايدك يا بو باسل

وبالعافيه

مطعم جميل لازم تآخذني له بو باسل المرة الجاية

وبعدين الستينات ،،، ؟؟؟

أكيد هالمطعم عزيزي عليك ،،، لآنه يذكر بالستينات ،،،، لما كنت أيام الجامعة


تحياتي يا حلو ،،، أتمنى من المشرفة أن تضمه لموسوعة المطاعم في المواضيع المثبتة