وصلنا لعدد قياسي من زياراتنا لمطعم Big AL مع إن وايد ما يعرفونه و أهوا مو مشهور بين الناس ، لكن كانت أول تجربة لنا فيه بعد ما كنا نبي نروح مطعم كارينوز و طلع وايد زحمة و بعدها دشينا المطعم اللي يمة و أهوا مطعم

BIG AL

مطعم بيج أل موجود في شارع الخليج و أهوا دايما يكون هادي و ما عليه زحمة ، لكن شكله بعد هالموضوع بصير أزحم مطعم !!
:114:

المطعم أمريكي و فيه تنوع حلو بالأطباق ، فيه ستيكات و أطباق متنوعة من الدجاج
تقريبا جربت كل شي عندهم

و تفضلوا ...

* السلطات ، mix salad & ceasar salad

* هذي الصمونة اللي بصحن السلطة حيل ثقيلة !! انا ليلحين مستغربة شلون يسوونها جذي ، كلها عيين !!

* شوربة دجاج بالكاري

* Main dish
كل وجبة تقدر تختار معاها طبقين من الأطباق الجانبية

و عليكم بالعافية
:106:

الله يعافيج مشرفتنا


ماعندي مانع انطر لو ساعه بس اكل ايطالي خصوصا اذا متعني له

لكن هالمطعم اشوفه دائما ولا عمري دخلته خصوصا ان موقعه بالقرب من كارينوز يعني انسي اغير


فيه العافيه مشرفتنا والاكيد المطعم راح ينشهر الان

الله يجزاك خير أختي زعطوطة ما لقيتي إلا هالوقت تنزلين هالتقرير والواحد يبي ينام خفيف

خلاص الروحة القادمة للكويت بيكون أول ليلة في هالمطعم

وفعلا عملتي له دعاية محترمة ياحظ صاحبه

زعطوطه كالعاده تالي الليل توافينا بهالتقارير المميزة عن مطاعم الكويت ...

شكرا لج

وجاااااري التطبيق ,,,

وعليكم السلام ورحمة الله وبركاته

الله يجعل فيه العافية

تقرير لذيذ كالعادة

ما شاء الله

عليكم بالف عافيه يالغلا

وشكله بعد تقريرك بينزحم على قولتك :

وننتظر تقرير جديد

بس عطيني خبر عشان اصير شبعانه قبل :

مبدعة بتقاريرك زعطوطه

الله يعطيك العافيه

ناصر كويتي

ساعات الواحد ما وده ينطر خاصة إن اليوع يكون قاضي ، جربناه مره و كل ما نبي نروح كارينوز ندش بيج أل
لكن أتوقع من الحين ما راح أدشه مرة ثانية لأاني كليت كل الاطباق اللي عنده
لكن إذا ما جربته كلش ، جربه مرة .. و يمكن يعجبك خاصة إذا كنت تحب الأطباق الامريكية
شكرا لمشاركتك أخوي بو باسل




تياسير

الليل الوقت الوحيد إللي أكون فيه فاضية و يكون مناسب إني اكتب موضوع سريع مثل هالموضوع
لكن مدام موضوعي خلاك تقول عن زيارة للكويت ، قررت إني انزل كل يوم بالليل موضوع
و الكويت دايما ترحب فيكم




* رُقِي *

إذا جربتيه عطيني رايج عن المطعم
و مشكورة لمرورج الجميل و متابعتج لعدد كبير من المواضيع
الله يعطيج ألف عافية




garmin

الله يعافيك مراقبنا بو عبد العزيز
و شكرا لتواجدك و مشاركتك الجميلة




سوليتير

يا هلا بأغلى ألماسة
انا بعد ما شبعت من أكله نزلت الموضوع لكم
:106:
عاد إذا صار عليه زحمة لازم يشكروني و لولا طيبتي جان المفروض أطلب جزء من أرباحهم !!
إنتي عطيني خبر متى تكونين شبعانه عشان ما أنزل الموضوع بوقتها
منورة الموضوع سوليتير




أبو رؤى

حياك الرحمن أخوي بو رؤى
شكرا لكلماتك الجميلة ، و الله يعطيك العافية

موضوع أكثر من رائع و خصوصا اذا لمطاعم جديدة

لكن الله لا يهينك ممكن تتكلمين عن موقعه و اسعاره

	موضوع رائع ولذيذ مشرفتنا المميزه يعطيك العافيه على ماتقدمينه لنا من معلومات رائعه ربي يوفقك