متعود كل سبت اروح ويا العيال وامهم نفطر او نترق بره
لكن امس حسيت اني ما اخذت كفايتي من النوم خصوصا ان العيال مصحيني من الساعه 7 الصبح
قلت لهم خلوها غدا والحمدلله وافقوا
نمت وارتحت ولله الحمد
وعلى طلعنا بعد صلاه الظهر ندور لنا مطعم لاني اعرفهم مزاجهم صعب شويه
بعد مالفينا كل المطاعم وبعد الملل خصوصا اني مو متريق اخترت مطعم ايامي في مارينا مول كريسنت
معطم جميل واللي يميزه ان مطبخه عربي بحت ومختص بالاكلات الشعبيه العربيه
من كل قطر اغنيه
باسل اختار كبه باللبن من المطبخ اللبناني هالولد احس انه يحب لبنان لانه راح لها وهو صغير تقريبا 6 شهور وللحين حب لبنان في دمه
ضاري طبعا خالف تعرف ما عجبه شي وقال يبي يطلب من بره
المدام اختارت مسخن فلسطيني
وانا طاجن ظاني
المطعم جميل والاجواء اللي فيه اكثر جمالا خصوصا الاطباق روعه وشكلها مميز وتعطي انطباع جميل
الحقيقه كانت الكاميرا وياي وودي اصور لكن المطعم كان مزحوم للاخر
بس طرى على بالي اني اصور من الجوال مثل مشرفتنا الزعطوطه والحمدلله طلعنا بتيجه زينه
المقبلات
حمص وتبوله باطباق جميله
طبقي الرئيسي طاجن الظان جميل جدا مع عيش الزعفران
تقرير بسيط اتمنى ان يعجبكم
